إعتبرها إستغاثه......... لــــــــ الشاعر محمود رجب........صفوة الكُتَّاب العرب ·

نروح لمين ونشكي له
علي اللي بيجرا قدامنا
فساد بعنينه شايفينه
ومين بس ها ينجدنا
فقير والمرض ماسكه
وغني بيقطع شراييينه
لا رحمه باقيه في قلوبهم
ولا في الذل سايبينه
سنين والغلابه بتتزايد
وكيلهم طافح وشاربينه
مفيش رحمه ولا أخلاق
وحتي الدم في عروقه
نشف ما هما ماصينه
هفضح بقلمي أي جبان
الإنسانية عنده معدومه
مرحمش يوم مرض إنسان
وتاجر بلحمه وبدينه
زمان السرقة فات ولا
ولا أنتم لسه عايشينه
خلاص إنسو هنفضحكم
يالصوص حتى الفرح سارقينه
وصوتنا هيوصل للي عايزينه
وهاييجي اليوم راح نفضح اللاعبكم
اللي إنتم مع بعض طابخينه