موَّال الصاحب ...... لــــــــ شاعر الروائع / أشرف فؤاد السمادونى.........صفوة الكُتَّاب العرب

كان ليَّا يوم صاحب
ومشيت معاه بضمير
ف اللقمه نتصاحب
كان كل قصدى الخير
*******************
فجأه اتقلب وشُّه
والمستخبى بان
هَد الغُراب عِشُّه
أصبح حزين حيران
بان اللئيم غِشُّه
ونعق كما الغِربان
*******************
يا ابنى بلاش اللُوم
كان كُل قصدك خير
ايه اللى جاب البُوم
يسكن ف عِش الطير
********************
علشان طهارة الجوف
قَلبَك كَمَا الغِزلان
وعُيونُه ناضرَه الشوف
مَهمَا استخبَّى بَان
********************
وكُنت فاكرُّه حَبيب
جَرحَك أكيد هيطيب
علشان زئير الأسد
يخرس عويل الديب
  وعجبى