حمار أم أنور............ لــــــــــــ محمد الوكيل ........صفوة الكُتَّاب العرب

اخترتى مين يا ام انور فمجلس النواب؟؟

والله احتار الخيال يا ابنى في الصادق والكذاب
واحد نافش ريشه وقال يعدل الخراب

والتانى ف ايده سبحه وصله السحاب
بيقول كل من يتبع حزبي. عشته عناب
والتالت قال باانتخابي هتكلم كبده وكباب
خايفه منهم كلهم ومن الوعود الهباب
نفسي انتخب نائب مخلص ملهش انياب
ف الحق زنهار واضح زي شمس
النهار

مش موكوس وخايب وكله اعزار
ولا.كرشه مليان مصايب ويجلب العار
الحل الوحيد انى انتخب الحمار
اكمنه بيطيع الطيب والجبار
مهما قلنا هينفز كل قرار
لا حياكل قوتنا ولا حينشف انهار

منك. لله يا وليه يا مجنونه
حمار بينهق ؟ده الناس تلعن ابونا
وان قال الحق بالشباشب يضربونا
رشحى انتى نفسك ورمزك الصابونه
اصل انا عارف انك بالحق مجنونه

وصحينا علي صوت الاذاعه بتقول
ام انور عضو دائم ف المجلس علي طول
هي اللي هتقرر ترخص اردب الفول
هي اللي هتاكل الحرميه. زي الغول
هي اللي. قالت. شعرنا. يا قاتل يا مقتول
ونرحم. ناسنا. وشعبنا. من البعدا. دول..