يا شعبنا منصور......... لــــــ محمود شبيب.....صفوة الكُتَّاب العرب ·

مهما العدو يجور ومهما قسي الديجور
ح يطل فجر النور يا شعبنا المحصور
====================
اصمد بوجه الريح مثل الجبل ما تزيح
لا تهاب من تسليح مهما يهدو دور
===================
لا تهداْ ولا تلين بالحجر والسكين
قاوم المحتلين والغاصب المغرور
===================
لارضك احميها وبالدم ارويها
ازرع روابيها بالفل والمنثور
===================
عدونا غدار يا شعبنا المغوار
هبي جبال النار خلي العدو مقهور
===================
كل ما مدينه اجتاح هالجيش هالسفاح
ببقى العلم لواح والشعب عم بيثور
===================
في القدس بتعدا عالاقصى تا يهده
والشعب بتحدا كل الظلم والجور
===================
بحكي عالمنصه انه اله حصه
في المسجد الاقصى تلفيق كذب وزور
===================
يا شعب ما بتذل لغاصب ومحتل
اخر على اول يا شعبنا ح يغور
===================
يا شعبنا منصور يا شعبنا منصور