الدرس الأخيــــــــــر......... لــــــــ على جامع.........صفوة الكُتَّاب العرب

علمتينى حروف الحب
حرف بحرف
عرفتينى معانى كتابته
أصل قرايته
فهمتينى الحب تجاره
فيها مكاسب
فيها خساره
بس نهايته
لما عرفت ولما فهمت
عيشتينى معاكى حكايته

وباحساسى الواعى عرفت
ان القصد ماهوش تعليم
وقدرت اعرف من نظراتك
من ترنيمة صوت دقاتك
من تسبيل عينك ف سكاتك
من رعشة ايدك ف ثباتك
ان دا كان منك تسليم

قبل معاد الدرس مايخلص
كنت فهمت
قبل ماالم الدفتر وامشى
استسلمت
وسألتينى : معادك بكره ؟؟
رديت ماخلاص اتعلمت .