صباح الخير.........لـــــــــ أحمد بدران.........صفوة الكُتَّاب العرب

قلوع مركب تشق الليل
شراع الحلم مفرودة
ع ضفة ع شطين
وتزرع عشق ف الموجة
وتتطرح قمحه مشدودة
وكاااام عودة تشد الحيل
صباح الخير
ف كام ركعة ع الصفين
فطورك فين
ع الرمله ف قلب شهيد
ف حب وليد
ع الكتفين من عيونى
سمارك زين
ف ساعة رغى من روحك
يا نور العين
صباح الخير
ف الجلابية والشُقة
وخلخالك بيغزي العين
يا سمرة وأنتى سنيوره
صباح عطرك م الجنه
ومهرك نور سواد العين
وأنا فين ..فين
م القلب اللى جمعنا
وخلى للحياة معنى
دا عشقك زين
صباح الخير