خلص الكلام............. كلمات ابراهيم طلبه..........صفوة الكُتَّاب العرب

الصمت ارحم من
العتاب
الصمت ابلغ من
الكلام
تب ما احنا اتكلمنا كتير
تب خدنا ايه غير
الملام

جربنا نجري ونلحق
الحلم الجميل
اترينا بنلف ونرجع فى لنفس
المكان
نصحي نالاقى نفسنا
نايمين على وهم الرصيف
متفرقين ضايعين
شايلين ركام الامنيات
فوف الصخور وسط
الحطام
جرينا نبكي جربنا نصرخ
بس صوتنا لسه ميت
جوة عالم من سراب

كنا بنادي فى ناس
مكتوب على قلبهم
شطر العدم
مبيفهموش لغه
الخطاب
كنا افتكرنا اننا نوع
من البشر او شئ جميل
بين الخلائق يحترم

لما زرعنا الورد فى
عيون الصغار
احنا الى حصدنا
الشوك
واحنا آلي حصدنا
اطياف الخيال
من فوق شراع الخطر
احنا ألي ممنوعة حياتنا
من السلام
الدنيا صبحت شئ
غريب
لوحه حزينه بلونها الظلام
والحلو مش مكتوب لنا
والفرح دمعه وطعمها
فى الحلق بيعاند الصبار
علقم على طرف الحياة
حنظل على طرف
اللسان
والجهل لسه بايجلد ظهرنا
فى عز النهار
ومفيش خيار
غير قلتنا واحنا نيام
الجهل
لسه فى عصرنا
بيعزب فى مليون بلال
قصوا اللسان وتخيطت
كل الشفاه
والقفل كان اخر رساله
واخر حروف الامنيات
مسح السطور
شطب الكلام