حال البلد............. لـــــــ شاعر الروائع / أشرف فؤاد السمادونى.......صفوة الكُتَّاب العرب

الشعب قام م النوم
وسط الغلا ومهموم
وبهيه ذى العاده
حالها كما المحموم
*******************
وياسين كما الدرويش
وسط الموالد تاه
من غير جناح ولا ريش
طاير ....... ويا ولداه
ورا رزقه نفسه يعيش
وبيبكى ... على ليلاه
م هو برضه حقه يعيش
من غير عذاب ولا آه
********************
وحكومه عامله عبيطه
بتقول هنبقى عال
مع ان تمن البيضه
يا ناس بخمسه ريال
والصوره غبشه وسوده
والصبر طول ترحال
وحسابنا بقى ع النوته
واحسب وقول يا خال
********************
أسعارنا . ف زياده
والسوق بقى على نار
والقهوه بقى ساده
غير قسوة التجار
********************
يا زعيم وجايبينك
علشان نفوق ونروق
اوعى محبينك
دى الدنيا تحت وفوق
********************
اوعى الحديد والنار
وأزمة الأسعار
ملعون أبوه قرار
حاسب من الزحمه
*******************
اوعى الغلابه تموت
وتنعصر ف سكوت
مرفوع أوى النبوت
والضرب بلا رحمه
*******************
سكر أوى الموضوع
ناقص وكله خنوع
وحسرة المخدوع
دايماً أكيد رخمه
********************
يا حكومه بلا مضمون
عايزينكوا ف الشارع
عام الجنيه مجنون
أعمى ومش سامع
*********************
اوعوا الوطن غالى
خليكوا قد القول
عايزينوا ف العالى
بالفعل مش بالقول
*********************
يا مصر انتى الوطن
والعشق والموال
على مر مر الزمن
تحيا الوطن يا خال
قادر بقى ربنا
يحسن الأحوال