يااااا غربه............بقلم الشاعر / عبدالفتاح عزت........صفوة الكُتَّاب العرب ·

كداب اللى مايعملش
للغربه حساب
ويقول الغربه ديت زينه
اتغربنا وشوفنا
وشوش العباد
وعلى كل لووون مشينا
اتشردنا وعشنا
كل واحد ببلاد
وسرقت الغربه فرحه عينينا
انكتب نعيش
وسط الاغراب
وقليل الاصل والندل يأمر علينا
واحشتنا دار العز
وسط الولاد
سكنا بخرابه ونقوول زينه
وبعد ما كنا
اسياد الاسياد
حواجتنا الغربه للى ما يسوى نمد ايدنا
ومن يوم ما فرقت اهلى
نقص عمرى ما زاد
وعينى كواها الدمع وباااتت حزينه
خبز الغربه مالح
ولو بالعسل داب
وعيش الاهل طيب لو بس عجينه
اشتقت للمه الاقارب
وقت الاعياد
ازاى عدت اعياد ولا حد سال فينا
الاول كانت ميت
ايد تدق الباب
ومن بعد الفجر تجرى تصحينا
ماليت ياغربه
وضاعت كل الاحباب
وما فضل غير صور ماضينا
هد حيلنا البعد
ولامتى بعاااد
وهاجرنا الفرح وما عاد لينا
وتعبنا من الهم
والشعر الاسواد شاب
على قوولك يادنيا انتى مش لينا
وااه ياصاحبى الغربه
بقت زاى جلاد
ضيعت العمر وافترت ضرب علينا
ياغربه غورى
وارحلى وكفايه عناد
دا امتى نرجع لحض اهالينا
بدعيلك يارب
الكوون والعباد
تهووون ايام الغربه وتعدى ليالينا
ياغربه يا اصعب
غلطه يا عذاب
امتى نرجع ونشوووف تراب ارضينا