عيون الليل.... لــــــــ شاعر الروائع / أشرف فؤاد السمادونى ......صفوة الكُتَّاب العرب

عيون الليل بتتكحل
وبتدوَّر على العاشقين
وجوه الليل
عيون سهرانه ما تنامشى
عشان تسعد قلوب ملايين
سواد الليل بيهجم
وبيخيم على امبارح
وشمس اليوم
بتهجم ع الغروب
تصحصح كل عاشق
قوم
وناجى الصبح فى ميعاده
دا مهما الظلم عم عليك
أكيد شمس الصباح فجرك
واوعى تنام
عشان عين العدو قطراك
أيا انسان
دا انت المصرى بشموخك
أيا أحزان
سبينا ننط من جوفك
أيا حاكم ضميرك فين
وفين صوتك
دا وقت الشده بندوَّر
على طيفك
وساعة الغدر
بنناجى هوى خوفك
وفين وعدك
وفين الحُرمه دا شعبك
وفيه قتلى وفيه جرحى
وفيه مسحول بيلجألك
ومهما يعدى
يوم ورا يوم
يا مصر
الخير ف عُشاقك
ف أولادك
وف شبابك
بنات بلدى
حُماة شعبك
بأمجادك وباولادك
هتبقى عاليه يا بلدى
بأمجادك وباولادك
هتبقى عاليه يا بلدى