إوعى إحساسك يخونك........ لــــــ شاعر الروائع / أشرف فؤاد السمادونى.......صفوة الكُتَّاب العرب

لمَّا إحساسك يخونك
لمَّا تغتالك ظنونك
لمَّا يوم الفرح تبكى
والألم يعصرشجونك
ابقى قُلى إن كنت لسه
لسه ما فارقتش جنونك
ابقى قُلى إن كنت فاكر
وإقتل الوهم ف عيونك
خلى ليلك يبقى ماضى
وإزرع الفجر ف جفونك
وإنزع الطعنه الشقيه
جفف الدم ف هدومك
إبعد الشك اللى نابك
وإمحى حسرة ليل همومك
خلى قلبك ملك عقلك
ليه بتسقيه من سمومك
ليه تسيبه لواحده خاينه
وتحصد الدمع ف خدودك
إصحى م الوهم اللى عشته
وحِب قلبك يوم يصونك
وإوعى يا ابنى مره تانيه
إوعى إحساسك يخونك