حماريات ......... شعر / حمودة سعيد محمود.......صفوة الكُتَّاب العرب

مــــــرة رحت انده لخالي
شفت جحش أقرع طويل
رحت أسوقه مش لحالي
كــان معاى ألفين زميل

مالى هاركب راح رفسني
قــــال لي كيــف تركب على
من كلامــه راح كبسنى
قلـــــــــــت أغسل فيه يدي

قال لى شايفك مش طبيعي
ليه بتبــكى ع الدوام ؟؟
ليه بتنسى عيد ربيعي
ومش تجيب لى معاك لجام ؟؟

قلت أمته ؟؟ قال لى بكره
بكـــــره هانده ع الحمير
قلت هات لى خيط وبكره
واربطوني فى الشــــــعير

قال ومــالوا مش أخونا
مين هيبخل ع الأخــــوة
مين هياكل حق أبــونا
غير حمــــــار زيك فتوة

قلت يله مين يطــــول
يبقى جحش وعنده ديل
قاللى أنت بس قول
وبكره هاعمل ليك إمييل

قلت آه لو يسمعوك
ما كان زمانك فى الحميـر
كان ساعتها يخيروك
تبقى باشا أو وزير ؟