وطنى.......... لــــــــ شاعر الروائع / أشرف فؤاد السمادونى.........صفوة الكُتَّاب العرب ·

محفوظ باذن الله
وف الكتاب آيه
مهما تقول الآه
آهتك دى جوايا
وخلاف ولادك دول
برضه لمصلحتك
علشان جراحنا تزول
لازم تاخد راحتك
يا نن عين الوطن
أرواحنا تفدى عنيك
يدفع ولادك تمن
ترخص حياتهم ليك
مهما الخلاف دا طال
البكره مستنى
والشعب والاجيال
م الفرحه هيغنى
ويوم ما يبقى الحلم
حصرى بقى حقيقه
ويعيش ولادنا العلم
يارب ف دقيقه