الدم ارخص مافينا .......... كلمات / ابراهيم طلبه........صفوة الكُتَّاب العرب

قوت الغلابه اتسرق والي انظلم عصفور
كان كل همه رضا ربه وأن مات يموت مستور

اصل المواطن غريب متهم ب كثير الكلام
رغم اللسان مقطوع والشكوة بره السور

تايه مابين المدان لاجئ مالاقي امان
لو فكر ينام بياكله لليل مسعور

لو بصرخ فى وضج النهار صوته مش مسموع
محكوم عليه بالجوع وأن عاش يعيش مقهور

ليه كل يوم عن يوم بيذيد سواد القلوب
أشباه الرجال ساده والحر بينام مكسور

العدل بين الناس مالى الحواري دموع
والظلم راكب ع الكتاف وان نام ينام مجبور

الدم ارخص مافينا ووطني مش موجود
شعأرنأ روحنا فداها تب ليه دمنا مهدور

ضاع الأمأن من البيوت والفرح طفل حزين
والحلم مات من العطش والارض صبحت بور

ايه الى فاضل فى القلوب راح تسرقوه مننا
الموت بيحصد ولادنا وصوت الضمير مهجور

تجار الصدر والساق بيتاجرو فى الاوطان
أشباه الرجال ساده بتسرق خيوط النور

الكذب فيهم غريزه عزيزة من بدري بتتورث
والعدل لو فتح عنيه تمحيه شهادة زور

ليه ننكر الحق ونرفع راية الباطل
ربك كريم يابن ادم بكره الدواير تدور

انا قلت ربع إلى عندي رغم الكلام محظور
لو مت فى الزحمه ادعولى رب غفور

يا يرجع العدل وترجع كرامتنا بالكامل
يانموت هياكل رجال وتغور الحياة ونغور