هى اللى فاكرانى.... لـ القدير / محمودعمارالزلباني......صفوة الكُتَّاب العرب

انا اللي الغربه-- فاكراني
وناسية اللي بتعمله فيا
في القسوة ما ليها حدود
ومنها بيجري الدمع بعنيا
كاسات -----المر شاربها
وبرضه---- متمسكه بيا
نهاري--وليلي ---سهران
لافرق بين -صبح وعشيه
والعمر---- ضاعت سنينه
وخدودي ---بالدمع مكويه
والبعد-------دوب ضلوعي
وأرضي ------بالهم مرويه
وغنايا ----اصبح -----نواح
وكمان الضحكه--- منسيه
وضيق فى عيني --البراح
دحتى الناس مش --هيا
معقوله فى يوم ---- ارجع
وأشوف حمامي فى بنيه
يلمس--- جناحه السحاب
اصله كان ------حمام غيه
وأقول-- للغربة ---أنسيني
وبلاش--- تفكري------ فيا
عايز انسى-- سنين عدت
وياكي---- في هم وأسيه
معقوله---- الفرح هيجيني
دا انا------ المحتاج لحنيه
معقوله ينور---- ظلام ليلي
وتعود -------البسمه لعنيا
ولا الغربه عليا-----مكتوبه
أناليها------ وهي----- ليا