يحميكى يا بلدى....... لـ القدير / محمودعمارالزلباني......صفوة الكُتَّاب العرب

أنا فاكر ومش ناسى
جميلك
متشال على راسى
وفاكر انك نسيتينى
وفاكر مرة رويتينى
ولسه برضه عطشان
وفاسى على كتفى
لحفر قنايه
ترويكى وتسقينى
بس اللى مش فاكره
ان قنايتى
دى قبرى
فيها هترمينى
مع انى شايل
ترابك على جبينى
وهمومك على صدرى
حجر
خانقنى وهارينى
وعليكى دمعتى تجرى
على خدى بتكوينى
هو انا برضه مش ابنك
ولا فقرى بيعيبك
ولا شكلى مش عاجب
ولا رجعلك الهارب
أرجوكى بلاش تبكى
ولا عارفه لمين
تشكى
أشكى
بس مش ليا
انا عارف انى مش ضايع
ولا بايع
انا بايع
عمرى فدى ترابك
ويوم ما تنادى
تلاقينى
على بابك
ومش فارقه
عندى
تحنى ولا ما تحنى
مهو انا اللى بيكى
بعيش
ومن غيرك
ما يحلالى
نوم ولا عيش
يحميكى
يا بلدى