رايح بس خايف.... لـ القدير / محمودعمارالزلباني......صفوة الكُتَّاب العرب

عايز أقول يا حبيبتى
كلمتين
كل ما أجى عند أبوكى
ألاقينى كتفت الإيدين
تروح عنيا يطلبوكى
ألاقينى غمضت العنين
والرعشة تمسك فى
حواجبى
ألاقيه يلهفى باليمن
والشمال عاوزة تساعد
حابه تعملى غرزتين
طب أعمل ايه
نفسى أقوله إنتي مين
إنتيي إللى غيرتى حياتى
ونفسى أحلم من يومين
ان حلمت اشوف أبوكى
مريح فى وشى العضمتين
اتفزع من نومى صارخ
واقعد ادعى واقول أمين
إديلة فكرة بس عنى
فبل ما انسى الكلمتين
ولا اقولك هى موته ولا أكتر
ما احنا من بدري ميتين
فكرت اروح له مرة تاني
وقولت اقوله انا مين
المرة ديا وقفت ثابت
بس نسيت الكلمتين
ولما شوفتك جايه تجري
وسمعت صوتك كان حزين
يا حبيبى مش ابويا
ابويا ميت من سنين
أمال دا مين يا بنت خالى
اللى مغرقنى حنين
ده اللى فاكر انى ليه
مشغلى رموشه غمزات
والعيون مسبلين
اجرى على بيتكم قوام
ورحت واكله كام يمين