اخرتنا معروفة............ لــــــــ القديرة / ميرفت حموده.......... صفوة الكُتَّاب العرب

ونقلق ليه مادام اخرتنا معروفة
.ننام نصحي وعنا الدنيا مصروفة
نقول ياحياة يجيلنا الموت ومستعجل
ولو ننده يجينا الموت بمعزوفة

ياطير الحزن ماتسيبك بقي منا
جناحك ليه بيتعافي ولا اكمنا
بنخفي الدمع جوانا بدون الآه
ويوم مانقول يافرح يقولّنا كنا

حروف الفرح ليه تايهة مالاقية كلام
وصوت الخنقة بيرن بجدار الايام
مانيش عارفة اعدي العتمة بايديا
ولا عارفة الاقي معين علي الالام