انتى ليه ما بتسمعيش........ لــــــــــ شاعر الروائع / أشرف فؤاد السمادونى.........صفوة الكُتَّاب العرب

لما اقول ما بتسمعيش
لما قلبى يبقى دايب
والحنان والفرح غايب
وييجى شوقى يسألك
يلقى ردك ما يساويش
...........................لما اقول ما بتسمعيش
لما ببعت الف طيف
والنسيم ف ليالى صيف
ولما روحى بتندهك
رد قلبك ليه مفيش
........................لما اقول ما بتسمعيش
كبريائك ليه.... فتور
و قلب مليان بالغرور
دانتى لو ف عنيا نور
انطفى وما تجرحيش
.........................لما اقول ما بتسمعيش
لما حيرتى ولهفتى
تبقى دايبه ف دمعتى
اجرى اهرب جوه حضنك
ليه تصدى ما ترحميش
............................لما اقول ما بتسمعيش
عيشى وحدك الغروب
قلًبى واتقلًبى بين القلوب
قلبى كمان هيعيش
اسلكى كل الدروب
بجناح ..........وريش
.........................لما اقول ما بتسمعيش
بس حاسبى ف يوم تطيرى
.......................و ينكسر
بس حاسبى تحبى غيرى
.......................و ينتصر
وتبقى زيي يوم م حبيتك
.......................بقلبى
وب ايديكى كان مصيره
...................انه انتحر
.............وما حسنيش
(((((انتى اييييه ....ما بتفهميش)))))