جوايا شــــىء محيرنـــــــــــــــــــــــــــــــــــــــــــى
يحرك كل شــــىء ثابـــــــــــــــــــــــــــــــــــــــــت
يصــــحِّى الليل المتهافــــــــــــــــــــــــــــــــــــــــت
وجيـــش جحفل بيغلبــــــــــــــــــــــــــــــــــــــــــنى
…………….
جوايا شيء بيسألـــــنى بيقول ليه أنا شــــاكــــي
وليه البحر بيغنـــــى ومن دمـعى أنا باكــــــــي ؟!
وليه يا ( ليلى ) كتير تبكي وكتمة الفرح جواكي
…………………
جـــوايـا حيــــرة مقـــــــــــلوبة
وصوت مَبْـــحُوح على ( ليلى )
هنـــــــاك ع الجــــذع مصــلوبه
جـــوايا خيــــط شـــــــعاع عاجز
وتوهه وبســـــــــمه مكـــــــلومة
أيا ( ليلى ) فى يـــــوم عـــــيدك
عيــــــون باكـــــيه ومغصـــوبة
يا صبرا و ا نتـى مصــــــــــلوبة
يا غالـــــبة ومــــــرَّه مغــــلوبة
معرفشى إن كنتى عود أخــــضر
واللا انتى نبته معــــــــــــــطوبة
….
زمانُ الفرحِ قد ولَّى … وعينُ العدلِ معصوبهْ
…..
سؤال جــوايا حيَّرنــــــــــــــــــــــــــــــــــــــى
أنا ليه جوايا مُســــتـــــــــــــــــــــــــــــــــــــاء
وليل العتمة بيتمـــــــــــــــــــــــــــــــــــــــــدد
ولصوت الدمع مُشتـــــــــــــــــــــــــــــــــــاق
كتير جوايا بيقولى الحــــلم راح ومش راجــــــــــــع
لكن أرجع وعاتبنى وأقول للـــحزن مش دامـــــــــع
قوليلى يا (ليلى) إيه ذنبى وليه الحلم مش ســــــــامع
دا كان الفـــجر قام يطلع وكان الحق طيـــــف فـارع
والعدل كـــان يادوب نبته وضى نور هنـــــــاك لامع
وصوت جرس يقول إنجيل .. وصوت أذان فى الجامع
ســــــــــــــــــــــــؤال جــــــــوايا حـيرنـــــــــــى
أنا ليه يا ( ليــــــلى ) مُــــش ســـــــــــــــــــــامع
وليه كل ما أقـول قرَّبـت ألاقى الشــــــــط يتباعــد
وليه بكـره كتــــير عاصى وليه ع الجـرح نتواعد
