وحشتوني.. لـ القدير / محمودعمارالزلباني......صفوة الكُتَّاب العرب

أنا لسه فاكر حبكم
ولا يوم ليكو نسيت
إذا كنت فاكر فرحكم
لما أنا للدنيا جيت
دموع فرحكو شوفتها
متبعتره لما مشيت
تا تا وأخطي بين إيدكم
والسعادة تقول يا ريت
أكبر .ما بين قلوبكم
وابقى ليكم أحلى بيت
فاكر حروفكم مش ناسيها
فاكر فرحكم لما حبيت
فاكر يا أمي حنانك
إللي من صدرك إرتويت
فاكر يا بابا كلمتك
لما عليا في يوم ناديت
يلا.يا إبني همتك
جريت وفي حضنك إرتميت
مش عارف ليه سبتوني بدري
أنا بعد منكو كتير بكيت
الحزن خلى الدمع يجري
ونار بعدكو بيها إتكويت
طعم الهنى من غيركو مر
بعت فرحي وحزن إشتريت
أشكي لمين ف البعد همي
وعمري لغيركم ما إشتكيت
قولت اجي في وسطكم
وحلمت إن إحنا في بيت
اخضر والحيطان مدهونة زيت
وعصافير متلونة ألف لون
ومية حلوة منها إرتويت
وحشتوني جدا جدا كتير
ومن غدر الدنيا بيكو إحتميت
خلوني نايم جنبكو
من هم البعد أنا إستويت