على فين... لـ القدير / محمودعمارالزلباني......صفوة الكُتَّاب العرب

مش عارف هو دا ميعادي
ولاأنا رايح كده على فين
وإتسرب من شنطتي زادي
ماشي وقلبي كله آنين
------
وخايف يطول مشواري
وأتوه مع التايهين
وتزود غربتي ناري
وتعدي شهور وسنين
--------
ويضيع عمري ع الفاضي
ويسيل ع الخد دمع العين
وأدور على بكره في الماضي
ولا ألاقي حتى حنين
-------
وماشي قي سكتي دغري
ولا حاسب شمال بيمين
وعقلي برضو ما يدري
أرسي في رحلتي على مين
-------
دي نار الوحدة كاوياني
ومتعشم أعيش لي يومين
وعمري ما قولت أهـ ياني
وأنا صابر مع المساكين
------
وماشي وشنطتي بيدي
خالية من السلف والدين
دا كان يا شنطتي ودي
أشيل فيكي حكاوي سنين
---------
خبيت فيكي كام ذكرى
فرحة ويا ألم وآنين
وحب قليب ما يكره
لقيتهم ضحكتين باهتين
--------
ماتخفي يا دنيا أساكي
وريني يومين حلوين
مش عايز أدوخ وياكي
دا بيكي إتمسكوا الضايعين
-----------
ولا أخر رحلتي غربة
ودمعة عند ناس تانيين
ما عارف سهلة أو صعبة
يارب إنت عليا أمين