إحنا أقوي..... لــــــ القديرة / مرفت حموده.......صفوة الكُتَّاب العرب

مين يقول الدين يهون
يبقي ليهم حيطة مايلة
ياخدوه ستر للظنون
والنوايا أفعالها قايلة
حتي بيت الله تهدوا
واللي بيصلي يموت
فين عقولكم ليه تسدوا
إفهموا ده الفهم صوت
صوت بيدن في المساجد
صوت بيعلي في الكنايس
صوت بينده كلمة واحدة
وحدة رغم حروفها موت
لو مسيحي ولا مسلم
دم واحد ليه يسيل
واللي كان صوت الإدانة
لأ مش أخ ده عميل
سلم الأعداء حروفه
رسموا بيها طريق دمار
نسوه اهله حتي دمه
خلوه إيد للإنهيار
لعبة بس تمنها غالي
والنتيجة لينا احنا
مهما كان ارهابكوا عالي
راح هنقوي ف كل محنة