النبع الخالي..... لــــــ القديرة / مرفت حموده.......صفوة الكُتَّاب العرب

ليه مطلوب منك تتحايل
ترسم صورة ماهياش فيك
مطلوب منك تلقي المايل
ولو تعدله بيجيبه عليك
أصلي زهقت من التخاريف
اللي تقول طاطي مع الريح
تظهر نفسك ليه كضعيف
دي كرامتك فوق التجريح
لما الواحد يوم يتنازل
ياخدوا تنازله حق مصان
ولما يطالب بيه يتراذل
وياخد حقه كإنه إحسان
مهما بتدي بيطلبوا تاني
كأنك نبع ومابيخلاش
ناسين إن النبع بطبعه
لو يوم جف خلاص مابقاش
لما الواحد زي ماياخد
يدِّي بسرعة مايستناش
تلقي الدنيا منك تاخد
وأما بتدي بتدي بلاش
بس أوعاك تستني عطاها
دنيا ومالهاش ف الإحسان
إعمل ماعليك وإبقي إنساها
لو يوم داين غيره تدان