فى كُره مصر...... شعر/ محمود العزب......صفوة الكُتَّاب العرب

إنتوا لَـوْ بتحِبُّوا مصر
كُنتوا سِبتوها فى حالها
لَجـل يتحَقَّـق أملها
ويرجعوا ليها عيالها
وعُمرُهُم مايسيبوا مصر

وانتوا خَدتوا كُـل مالها
وعُمر ماعَمَلتوا لعَدَلها
وعَرَّتوهـا وذَلَّتوهـا
وانتوا عالَـم كارهَهْ مصر

وغاظكوا تِرجَع تانى فالحَهْ
وتِنسَى فَضايكوا اللِّى فايحَهْ
ولِسَّه عاوزيـن تِخنقوهـا
وانتوا اللِّى خَربتـوا مصر.