بلاش كلام معسول
والقلب جواك مقفول
كلامك ييتم حجر
متنقى ع الفراز مغسول
عارف امتى تتبسم
وعامل فيها ابن اصول
تتريس المجلس بكلمة
تشاور يقولوا –قووول
مليون كلمة كدابه
ولا وحدة عليها القول
دارس فنون(اضحك)
ع الدقن يبات مشغول
حريف –معلم –صنايعى
حربايه فى وسط وعول
تتلون امتى وفين
واللون يكون معقول
تبيع البلد بجنيه
والوطن بكيلة فول
لاليك عزيز ولا غالى
وعندك لكل عقده حلول
تحب ارض الغير تكون لك
ع الدوام على طول
تسلم اخوك للخصم
أوحتى لباب الغول
همك تكون متسيط
للعاقل مع المخبول
ورى ضهرك رميت دينك
وضميرك صبح مشلول
اصحى وقت الحساب قرب
والسيف بقى مسلول
سيف العدالة جاى
ارجع وتوب هاتزول
والسيرة عليك تحكى
والندم معاك هايطول
كوم الذنوب هده
بكلمة صدق بيها تنول
عيون الناس بتنام
وبكره تكون مسؤل
طعم الحلال يا خال
يفضل ع اللسان على طول
والقلب جواك مقفول
كلامك ييتم حجر
متنقى ع الفراز مغسول
عارف امتى تتبسم
وعامل فيها ابن اصول
تتريس المجلس بكلمة
تشاور يقولوا –قووول
مليون كلمة كدابه
ولا وحدة عليها القول
دارس فنون(اضحك)
ع الدقن يبات مشغول
حريف –معلم –صنايعى
حربايه فى وسط وعول
تتلون امتى وفين
واللون يكون معقول
تبيع البلد بجنيه
والوطن بكيلة فول
لاليك عزيز ولا غالى
وعندك لكل عقده حلول
تحب ارض الغير تكون لك
ع الدوام على طول
تسلم اخوك للخصم
أوحتى لباب الغول
همك تكون متسيط
للعاقل مع المخبول
ورى ضهرك رميت دينك
وضميرك صبح مشلول
اصحى وقت الحساب قرب
والسيف بقى مسلول
سيف العدالة جاى
ارجع وتوب هاتزول
والسيرة عليك تحكى
والندم معاك هايطول
كوم الذنوب هده
بكلمة صدق بيها تنول
عيون الناس بتنام
وبكره تكون مسؤل
طعم الحلال يا خال
يفضل ع اللسان على طول
