إبعد....... لــــــ القديرة / مرفت حموده.......صفوة الكُتَّاب العرب

إبعد زي ماقلبك قال
خد من عمري سنين ترحال
إرفض توصل نبضك بيا
حتي إن كان لعذابي وصال
فجري ندالك تشرق فيه
تغسل همك وتوضيه
لاجل ماتلقي شعاعه صلاه
تاخدك م الهم وترميه
ليه إتحجر فكرك ويايا
ليه بتطْفي شمعك جوايا
ليه لما بانده أوجاعك
تجري وتقول لأ كفاية
حافرة حروف إسمك بزماني
لاجل ماأحميها بوجداني
ليه عاوز تنزع معانيها
ليه عاوز تبقي إنت الجاني
باني جدار يداريك عن عيني
مهما هتبعد يوم هتجيني
بس أنا خايفة يوم ماهترجع
تندم م الصورة علي جبيني