ساعة القدر. ........ لــــــــ كمال كرباش........صفوة الكُتَّاب العرب

ما تزعلوش من كﻻمى

بكره لما يجي اﻵجل
ما تنسونيش
ماتقولوش
أنى كنت طمعان أعيش
أكتر من المكتوب لى
ما أظنش
ساعة القدر حا يجى وقتها
بس ياترى مستعدين لها
واﻻ حا نقول جايه فجأه
وكأنها ﻻزم تيجى دايما
بمقدمه
ليه بنأخر
فاكرينها علينا حاتستنا
دى دنيا-
فيها كل خطوه متقدره
محسوبه بالساعة
واللحظه والثانيه
مفيش فيها دقيقة
متقدمه او متأخره
وأنها أرزاق
فى ملك مقسمه الخﻻق
والناس ﻻزم تعرف
أنها لربها بتحتاج
من قبل مايطلع منها أول نفس
وهى لسه آجنه
فى الرحم واﻻحشاء
ولما تكبر.
منها اللى ينسى
وبيطغى ويتكبر ويفترى
ولما تيجى لحظة حسابه
وتقرب منه
لما الملك ما يخبطش بابه
أيه تفيده صدمته
ولحظة ندم
وكل اللى كان عايش فى عزه
وملك أيده حايروح فين
بعد ما يدفن
و يتردم عليه بحبة تراب
ويتسئل عن كل عمل
وسيبت أيه
عشان الناس تفتكرك بيه
ياريت تكون سيبت نصيحه
يمكن يعملوا بيها
أو يفتكروا لك دعوه .
يدعولك بيها
أنا بخاطب كل نفس عايشه
حتى نفسى
قبل ماتيجى لحظة اﻵجل