معاناه..........بقلم / نائلة سامى........صفوة الكُتَّاب العرب

انا مش عارفة اقول غير انى بعانى
ومش قادره افرح ولا اغنى
اصل انا شايفة حاجات تعبانى
جرحت قلبى وزادت همى
خلت قلبى حزين وكاْنى
عشت حوالى ميت سنة من عمرى
ظلم الناس بقى واضح عندى
هى الناس لية عايشة تحدى
تظلم تغدر وتقولك عدى
وتاْقلمى مع وضع الناس
مهما يقولوا وافقى وهدى
وازاى اتاْقلم مع وضع
مش ممكن هيناسب وضعى
ولا حتى مبادئى وكرامتى
هفضل عايشة حياتى براحتى
مهما الناس دي كانت ضدى
اصل الصح ملوش غير سكة
هى السكك التانية تودى
بس السكة الصح فى نظرى
هى طريقى وهى دى املى
نفسى ابدل ياْسى باْملى
وينسى الحزن مكانة فى قلبى
وينسى الدمع طريقة لعينى
وافرح تانى وارجع اغنى