رافضة الدنيا.......... لــ القديرة / مرفت حموده‬............صفوة الكُتَّاب العرب

راح أمشى بعيد
وأقول للدنيا
مش عاوزة
أكون ليكيِ
ولا عاوزة
أكون بيكيِ
ولا عاوزة
أكون مرجيحة
فى ايديكيِ

حأشق طريقى
بايديا
وأعيش ليا
وحأرفض أكون
معدية
مانيش عاوزة
معاليكيِ

راح أرفض
كل كلمة زيف
وحأعمل للآصول
تحريف
وأعيش لحظة
بلا مواعظ
وحأحمى مشاعرى
م التجريف

قانونك ده
عليكِي انتيِ
رَضيتك وانتيِ
ما صنتيِ
اهانتك ليا
حأخفيها
حأعيش وأنسى
ان يوم كنتيِ

ولو كان ع الطريق
حأمشيه
وحأرضى بالنصيب
وأقضيه
وأهى أيام وبنعيشها
وقلبى حقه
يوم حأوفيه
مانيش عاوزة معاليكي