خلاص ماشية.........لـــــ الشاعر محمدالباز.......صفوة الكُتَّاب العرب

بتقولي خلاص انا ماشية
من قلبي ليك انا مسامحة
طيب وليه تكوني كدة قاسية
ده حبك عشته بالنظرة
تأمري وأقولك انا حاضر
كنا دايما نقول من الاخر
هنعيش مع بعض ومنتفرقش
حتي الكلمة اللي ماتجرحش
كنت دايما اقولها وماانتظرش
ده كفاية لعمري انك ضيه
حتي عشقك من قربه
سكن قلبي وملامحه
عشت عمري وانا بحلم
ازاي احقق امانيكي
ومين غيري يتكلم
ويقول لقلبك انا ليكي
بخاف عيونك تتألم
قولت لازم افديكي
بعمري ياعمري انا مسلم
وبروحي وقلبي شاريكي
حتي اسمك علي لساني
دايما اقوله عنواني
من غيرك بجد اعيش يأس
واسألي قلبك لو حاسس
ازاي حبيبه بعده يعيش
ده حب الدنيا ميعوضنيش
لحظة من عنيكي وانا معاكي
فاكرة لما كنتي بستناكي
واقولك حبيبتي ممكن حرف
تقولي ليا بسرعة أخف
ايه الجديد معاك في الظرف
اقولك كله حب ماليني
حرفك ليا هونورعيني
بس ممكن تستثنيني
وتكتبيه مش بس في عيني
لاكمان ترسميه علي جبيني
ولسة برضه بتقولي ماشية
مع انك بس اللي عارفة
ان نبضي عايش بالهمسة
متبعديش وخليكي هنا خمسة
لا اقصد كمان عشرة
لوبطول الزمان اكيد عارفة
ان حبك جوايا مش لحظة
ده عشقك اتولد من نظرة
هانت عليكي حتي العشرة
ده حتي حبك مش كلمة
ده وصف وليه مليون معني
برضه هتقولي خلاص ماشية
مع السلامة وخليكي عارفة
ان حبي ليكي مش لعبة
ده وصف وليه مليون معني