ام الشهيد....... لـــــ الشاعر عزت الدواخلى.....صفوة الكُتَّاب العرب

زغردى ام الشهيد
ابنك اليوم فى عيد
والله كان يوم سعيد
لانه كان واد نضيف
كان كل امله يصبح رديف
والخدمه كانت فرحته
كان شاب عارف لزمته
بين الصفوف
معرفش خوف
كان ضابط همام
فى يمينه شايل الحسام
وفى شماله ماسك الحمام
وله من الاسم هشام
كان ويا صاحبوا بيقعدوا
ف الخدمه يفتكروا اللى فات
ويعدوا يومهم بالساعات
يتصبروا بامل اللى جاى
ويقاسموا بعض فى بق شاى
ويحلموا ببكره اللى جاى
والضحكه سابقه الكلمتين
مكنش يعرف هو بكره هيبقى فين
كان بيحلم بالاجازه
والاجازه بقت جنازه
والشمس فرضت ضيها
واهو ساح فى دمه
علشان يرجع لحضن امه
ومكنش يعرف انه كان مولود شهيد
علشان يحقق الحلم البعيد
زغردى يا ام الشهيد
ابنك اليوم فى عيد
ابنك اليوم فى عيد
ابنك اليوم فى عيد