رتوش........... لــــــــــ القدير / ابراهيم طلبه .............صفوة الكُتَّاب العرب

انسان بجد وﻻ انته الوان طيف
رغم المدن جواك فراغ
والصبر فيك مكفوف
جواك وطن مرفوض
حتي نشيد الموده
ناقص كلام وحروف
بلوي انت وﻻ انا اصبحت
غير معروف

يمكن علشان كوكب غريب
كله ضباب وخسوف
وﻻ ملامحي اتغيرت
ومشاعري مش بتشوف
عايش حياه غيرالحياه
مطوي فى كهف الخوف
غريق مابين السطور
وكاني طير مخطوف

الغابه اسمها الانسان
والعدل فينا رتوش
والعتمه ستر وغطا
ف عيون لسه يدوب
بتشوف
ان الخيانه امانه تجوز
لو البديل مآللوف

مليون قناع فوق الوشوش
وعيون بترفص ع الرفوف
وقلوب حزينه طيبه
دمعتها بتدق الدفوف
وكانها قطعه سحاب
والنبض فيها فشوش
تنزل على شط الرماد تطلع
دخان مغشوش

جياع المشاعرنمور ضاله
والله سباع ووحوش
بيحبو اكل القلوب معرفش
ليه مابيشبعوش
احلامنا صبحت فى عهدهم
ممنوع تشوف النور
لو يوم رسمنا على الكفوف
صورة امل وزهور
تلعن ابونا الخيانه
ودا ذنب مش مغفور
يانعيش فى ذنوب
الليالي
يانموت بقى ونغور