خسارة بطعم المكسب ...... كلمات / محروس الحناوي .........صفوة الكُتَّاب العرب

الغدار دا مش حبيب
ولا عمره يكون نصيب
ان تركتيه مش خسارة
دا مكسب وبجدارة
وما تزعليش عليه
ولاتلومي الزمن
وتكوني فيه محتارة
دا الانسان لما يغدر
ويسيب حبيب ويهجر
يبقى النداله طبعه
والحب مش لاقيه
وهيفضل عمره تايه
ولا حد عنه سائل
لطبعه اللي ارتضيه
وادعي ان قلبك يهدى
واقعدي وفهميه
ان الانسان دا ملعب
ومادخلش الحب قلبه
القسوة ليها ناسها
بتعذب ناس كتير
يبقى لازم لله نحمد
ونصلي كمان ونشكر
لما اكتشفنا كذبه
وخلصنا من عذابه
وغدر ابتلينا بيه