بناديكى........... لــــــــ شاعر الروائع / أشرف فؤاد السمادونى ......صفوة الكُتَّاب العرب

بناديكى
بصوت عالى
........ومش مسموع
بناديكى
وانا بغرق
.......ف وسط دموع
ف بحر الحب
..........يا عمرى
انا بحار ومافى قلوع
ف عز الضلمه
..........يا قمرى
بشوف نورك
..........كأنه شموع
تنور لى .....لياليا
تعدينى .... وآلاقينى
ف بر عيونك الحلوه
أعيش عمرى
واغنيلك
بصوتك
.... ف الهوى غنوه
تفرحنى ...... ......تنسينى
آلام البعد ... والغربه
وآلاقيكى ..... تلاقينى
وادوب فيكى ...... تدفينى
واقول لعنيكى موالى
تخدنى رموش تخبينى
وانام واصحى
...........على حبك
لقيتك ......... أيوه لقيتينى