اغشّك.......... لـــــــــ الشاعر مجيد عبد طاهر.........صفوة الكُتَّاب العرب

أغشّـــــــــك لوكلتلك ملتهي وناسيك
لأن حبك نبض يجري بشــراييني

اشما تبعد عليه ودربك يوديــــــك
تتراوالي يمي وتســـــــكن بعيني

تمر صفنات اتخيل واسـولف بيك
اردد بالحجي المــــــابينك وبيني

اتحصر جمر لمن يمر طـــاريك
احس حتى النفــس مرّات ياذيني

اغص بآه من شهكة حنين اعليك
واتمنـــاك مثل الطفل بحضيني

ابوسنك واشمك واشكي منك ليك
من شوكي الغده بهجرك يبجيني

وادعي من العزيز يحفظك يخليك
يابسمة الغبشــــة بفجر تشـريني