وشوش كالحة........ لـــ القديرة / ميرفت حمودة .........صفوة الكُتَّاب العرب

لا عمري يوم كرهت الخير
ولا فعله
ولا عمري حجبت النور
ولا ضله
ولماف يوم زرعت الخير
ومالقيتهوش
نحت القلب عشان
مااعانيش ف يوم ذله
وشوش تقابلها
تقول دي ملاك
فتطعن فيك
ولوترسم طريق الخير
تيجي ف اخره عشان تكويك
ماهماش ناس
تقول اخلاص
ومن جوه بتدفن فيك
ليه نزرع ورد
ف الأخر يصيبنا الشوك
ولو قولنا ده خير لله
تلاقي الشر كأنه اخوك
مانيش عارفة
اريح قلبي م التوهة
لا هم ساكتين
ولا عاوزين كمان يسيبوك
هدفهم يزرعوا شوكهم
في كل طريق
ولو نبتة بتكبر يوم
يخبوها بالف حريق
شيطانهم فارد جناحاته بيتباهي
وناسين اللي ربه معاه
ماعمره ف بحره يبقي غريق