شو الخبر ... لـــــــــ محمد صيطوف......صفوة الكُتَّاب العرب

... حابب اعرف شو الخبر ...
ناس فايقة .
وناس رايقة .
وناس المرحبا مش طايقة .
...حابب اعرف شو الخبر ...
سرقوا البسمة من بلادي .
حرقوا السهل والوادي .
اجتمعوا علينا الاعادي .
وكنسلونا بالمختصر .
...حابب اعرف شو الخبر ...
شتتونا وفرقونا .
بعدنا عن يلي حبونا .
اخدوا اسمينا وخلونا .
متل العايش بالمعتقل .
...حابب اعرف شو الخبر ...
نسيتوا لما كنا بنعمة .
وصاروا يحسدونا ع اللقمة .
عيشونا بنار الفتنة .
نسينا انو كلنا بشر .
...حابب اعرف شو الخبر...
اصحوا بقى من الظلمة .
وحبوا بعض بنور وحكمة .
خلينا نطرد هالعتمة .
ونرجع نسهر تحت القمر .
...حابب اعرف شو الخبر ...