محطة سفر...........لــــــــــ محمد ابو الفتح.......صفوة الكُتَّاب العرب

دي محطة سفر وكل نـوع من البشر ياخــال فيــها حتــلاقيه
فيها اللي تايه عن ســـــكته ولاحد من النــاس حــاسس بيه
فيها اللي دارس خطــــوته ولاحاجة ممـــكن لرحلتـه تــنسيه
وفيها اللي قلبه عليل وشايـــف البعــاد من عــلته حــيشفيه
وفيها اللي قاصد من رحلــته طبيب مــــن الوجـع يــــداويه
فيها اللي راجع لاهله من السفرفرحان بيشـاورلهم بإيــديه
والتاني اللي رايح لغربته ودمــوع الفراق ياولداه فــــي عينيه
واللي هربان من محنته ونفسه الطريق عن كل العـيون يدرايه
وحد مسافر يدورعلى لقمته وشايف السفر فرصــة حتراضيه
وفيه اللي قاعد مستني رحلته قلقان دنيته على فين حتواديه
واللي شايل شنطته واللي بشغلته شايل شنطة الهانم والبيه
واللي السفروالترحال مهنته والطـريق هو بيته اللي عايش فيه
وناس رايحة وناس جاية وكل واحـد وحاله وربه وحده عالم بيه
محطة سفرفيها اللي واصل واللي مسافروفيها اللى مستنيه
ناس بتوصل وناس بتوَصل مُلك ومصرف أحواله ربك اللي بانيه
يارب كل واحد يوصل محطته وكل واحد لسـكتك تهـــديه