حلمت.............. لــــــــ القديرة / مرفت حمودة..........صفوة الكُتَّاب العرب

حلمت بقلبي ليه تايه
وشطآنه ملاها آنين
على الجانبين
قلوب عطشي
وسكناها بقالها سنين
لا هاممها حتيجى امتى
ولا هاممها حتجرح مين
بتروى عطشها وتكمل
ولو داست قلوب تانيين
وقلبي مالوش في قسوتهم
ورافض حتي عشرتهم
وبيدور علي صحبة
يعوض بيها غربتهم
صحيت من نومي مخنوقة
ودمعي في عيني م الشوقة
جريت وبلهفة لمرايتي
لقيت الصورة محروقة