حاجه بسيطه منى............ لــــــــ كمال كرباش............صفوة الكُتَّاب العرب

وبفكر فيكى
وبفكر
آخد من وقتك
كام لحظه
ومحتاج كمان
لحضنك
وتضمينى ضمه
ممكن تكونى
عنوان للمحبه
ورساله للحنان
أنتى مش أى حد
فى كونى
أنت ضئ
وأجمل ما رآت عينى
وشئ أنكتب
على جبينى
أنا من غيرك .
مكنش حد
يعرف مين أنا
أنت هديه م السمأ
عارفه ليه
واﻻ مش عارفه
ﻻنك سبب
فى تكوينى
ايوه أنت يا أمى
يا نور عيونى
ولمين أقول الكﻻم ده
الكﻻم ده مايتقالش
لحد غيرك
ضمينى يا أمى
ما أنت ياما ضميتنى
الوقت اللى كان
فى صغرى
ولما كنت
لسه بحبى وبخطى
كنت بتحاولى
تسندينى وتقومينى
لسه فاكر
حاجات مرت علي
كنت فيها بتسمعينى
ياما مسحتى دمعى
وكنت بتصبرينى
أتعلمت الصبر منك
السنين كبرتنى
وأنت برضه كبرتى
بتحاولى تخفى شكوتك
تعبتى
ومش عايزه تقولى آه
خايفه آهاتك توجعنى
لسه الحنان جواكى
صدقينى
نفسى أخفف عنك
ونفسى ما أبعدش عنك
بتحاولى تطمنينى
وتقوللى
روح شوف عيالك
وشوف مشاغلك
واحوالك
عايزنى أمشى .
وبرضه
مش عايزه تسيبينى
دايما بتدعيلى
من قلبك
وطول عمرك
مهما قصرت
بتسمحينى
أنا كتبت
الكﻻم ده عشانك
عشان اعبر
عن مشاعرى
ومش مستنى
أنك تشكرينى
ده أنا اللى بشكرك
وبدعى ربنا
يديكى الصحه
ويعافيكى
انا عارف
ان كلمة بسيطه
ممكن ترضيكى
كل ثانيه وكل لحظه
يارب تقويكى
فى يوم اﻻحتفال بيكى
ربنا يراضيكى
ويجازيكى
ويوعدك الجنه
يارب أقبل دعوتى
واكتب لها كل خير
ومن السعاده
والهنأ يديكى