صرخة وطن......... لـــــــــــــ شاعر الروائع / أشرف فؤاد السمادونى.............صفوة الكُتَّاب العرب

يا قدس
بغداد بتصرخ
.............رددى
احكيلها عنك
جنب اختك
.............مددى
وجنين تقول
للبصره
.......لازم تعندى
وام الخليل
يا كربلاء
عايزة برجالك
..........تصمدى
زعق الفرات
للنيل
يا نيل خلى بالك
ل يكون ف يوم
م الزمن
حالى بقى حالك
يلا يا أم الرجال
لمى بقى رجالك
آه يا دمشق الجميله
آدى الكابوس جالك
فين الوطن يا عرب
أوطان..... بتتعارك
فين العرب يا وطن
أغراب... بتتشارك
وكأننا ,,,,,أعداء
والفُرقه واخدانا
والدم والاشواق
ف عروقنا سارقانا
آه يا... مُدن الجمال
غرقانه ف الاحتلال
وف سُلطه شغلانا
اصرخ وقول يا وطن
يا فُرقه واجعانا
حنى يا أُم الرجال
ولمى بقى رجالك