أنتبه........... لـــــــــــ كمال كرباش.........صفوة الكُتَّاب العرب

أنتبه للى جاى
اللى جاى
أصبح شئ مهم
كل اللى فات
أعتبره تجربه
حياه تكون أتعلمت منها
عارف يعنى أيه
تعيش حياتك كام سنه
وفجأه
لكن مش مفاجأه تنتبه
أن فى لحظة قربت
وكل حاجه فيها أنتهت
مش دموع
وﻻ مفيش رجوع
وكل اللى كان ممنوع
وأنت عملته
آن اﻷوان
أنه يكون له وقفه
يبقى ﻻزم من دلوقتى تنتبه
كل غلطة تكون فاكرها
أو أفتكرت أنها أتنست
خلى بالك دى أتسجلت
وأنكتبت عليك
محتاجه منك لحظه صفا
وأنك تنتبه كفايه غفله
محتاج مين ينبهك
مش ﻻزم أكون أنا
ومين أنا
ما يمكن أكون زيك
ومحتاج اللى ينبهنى
ما كل اﻻحداث بتمر
قدام عنينا
وحايجى وقتها علينا
السن بيزحف
والعمر فى لحظه هينه
مش فى وقت متحدد
لما يبقى اﻻنسان متمدد
مش حايفيده حاجه
من حواليه
واﻻ حد يبكي عليه
لما تيجى اللحظة دى
اللى ماكانش عامل حسابها
وكان بيحاول يغفل عنها
انتبه .. وياريتنا نتعظ
ياريت لو فاضل
من العمر لحظه
نرجع فيها لربنا
يمكن بقدرته ورحمته
أنه يرضى عننا
ولو فاضل لسه دعوه
يارب أغفر لنا